اسمبلی کی خبریں

  • آیت اللہ رمضانی: پیغمبر اسلام (ص) کی توہین اخلاق، انسانیت اور عدالت کی توہین ہے

    آیت اللہ رمضانی: پیغمبر اسلام (ص) کی توہین اخلاق، انسانیت اور عدالت کی توہین ہے

    اہل بیت(ع) نیوز ایجنسی۔ابنا۔ اہل بیت(ع) عالمی اسمبلی کے سیکرٹری جنرل نے فرانسیسی صدر کے ذریعے پیغمبر اکرم(ص) کی شان میں کی گئی گستاخی پر ردعمل ظاہر کرتے ہوئے کہا کہ پیغمبر اکرم (ص) کی توہین در حقیقت اخلاق، انسانیت اور عدالت کی توہین ہے۔
    انہوں نے مزید کہا کہ تمام مسلمانوں، حوزات علمیہ، اسلامی یونیورسٹیوں، مسلمان حکمرانوں نیز تمام مسلمانوں کو پیغمبر اکرم صلی اللہ علیہ و آلہ کی شان میں کی گئی گستاخی کے خلاف ردعمل ظاہر کرنا چاہیے۔
    آیت اللہ رمضانی نے اس بات پر زور دے کر کہا کہ پیغمبر اکرم (ص) مہر و محبت اور انسانی اقدار کے پیامبر ہیں، بنی اکرم کا اخلاق مجسم قرآن ہے، اور خداوند عالم نے خود سورہ قلم کی آیت نمبر ۴ میں اس بات کی گواہی دی ہے۔
    انہوں نے مزید کہا کہ وہ مغربی ممالک جو انسانی حقوق کے دفاع کا دعویٰ کرتے ہیں اور قرآن کو نظرانداز کرتے ہیں وہ جان لیں کہ قرآن کریم نے پیغمبر اسلام (ص) کو تمام انسانیت کے لیے رحمت قرار دیا ہے۔
    آیت اللہ رمضانی نے کہا گزشتہ دو دہائیوں سے مغربی ممالک میں اظہار رائے کی آزادی کے بہانے سے پیغمبر اکرم(ص) کی شان میں گستاخیوں کا سلسلہ جاری ہے لیکن انہیں یہ جان لینا چاہیے کہ اسلاموفوبیا کا پروجیکٹ شکست سے دوچار ہو چکا ہے۔
    انہوں نے مغرب کی دوغلی پالیسیوں کی طرف اشارہ کرتے ہوئے کہا کہ یہ انہیں مغربی ممالک میں اظہار رائے کی آزادی کی بات ہو رہی ہے جن میں روجے گاروڈی جب ہولوکاسٹ کے بارے میں تحقیق کرتے ہیں تو انہیں سزا دے دی جاتی ہے اور جب یہاں حکمرانوں کی شان میں کوئی گستاخی کرتا ہے تو اس کے خلاف مقدمہ چلایا جاتا ہے لیکن پیغمبر اکرم کی شان میں گستاخی کو اظہار رائے کی آزادی کا نام دیا جاتا ہے!
    انہوں نے آخر میں کہا کہ انسانی معاشرے کو آج ہر دور سے زیادہ انصاف پر مبنی امن کی ضرورت ہے لیکن مغربی ممالک صرف امن و صلح کا نعرہ لگاتے ہیں لیکن عملی طور پر وہ دنیا میں جنگ و تشدد کو رواج دینے کے درپے رہتے ہیں۔

  • علامہ سید قاضی نیاز نقوی کے انتقال پر اہل بیت(ع) عالمی اسمبلی کا تعزیتی پیغام

    علامہ سید قاضی نیاز نقوی کے انتقال پر اہل بیت(ع) عالمی اسمبلی کا تعزیتی پیغام

     اہل بیت(ع) عالمی اسمبلی کے سیکرٹری جنرل نے ایک پیغام جاری کر کے اہل بیت(ع) اسمبلی پاکستان کے سابق سربراہ حجۃ الاسلام و المسلمین سید قاضی نیاز نقوی کے انتقال پر تعزیت پیش کی ہے۔
    آیت اللہ رمضانی کے تعزیتی پیغام کا ترجمہ کچھ یوں ہے:


    بسم الله الرحمن الرحیم
    إنا لله و إنا إلیه راجعون
    اہل بیت(ع) عالمی اسمبلی کی جنرل کونسل کے رکن، وفاق المدارس الشیعہ پاکستان کے نائب صدر، انقلابی اور خدمتگزار عالم دین حجۃ الاسلام و المسلمین "سید قاضی نیاز نقوی" کے نقصان پر بہت دکھ اور افسوس ہوا۔
    مرحوم نے اپنی پوری زندگی تعلیمات اہل بیت(ع) کو عام کرنے کی غرض سے پاکستان کے حوزات علمیہ کو بے بہا خدمات پہنچائیں اور اسلامی اتحاد کے استحکام اور ملک میں تکفیری ٹولیوں کے خلاف جد و جہد میں پیش پیش رہے۔
    اہل بیت(ع) اسمبلی پاکستان کی سربراہی کے طور پر کئی سال شیعیان پاکستان کے لیے علمی، ثقافتی اور تبلیغی سرگرمیاں انجام دیں۔
    ہم اس عظیم المرتبت عالم دین کے انتقال پر علماء، حوزات علمیہ اور پاکستان میں پیروان اہل بیت(ع) خصوصا آیت اللہ علامہ حافظ علی ریاض حسین نقوی اور حجۃ الاسلام ڈاکٹر سید محمد نقوی النجفی نیز مرحوم کے اہل خانہ کی خدمت میں تسلیت پیش کرتے ہوئے بارگاہ رب العزت سے مرحوم کے لیے مغفرت و رضوان الہی اور پسماندگان کے لیے صبر و اجر کی دعا کرتے ہیں۔
    رضا رمضانی
    سیکرٹری جنرل اہل بیت(ع) عالمی اسمبلی

  • ممبئی کی خوجہ جماعت کے سربراہ کے انتقال پر آیت اللہ رمضانی کا تعزیتی پیغام

    ممبئی کی خوجہ جماعت کے سربراہ کے انتقال پر آیت اللہ رمضانی کا تعزیتی پیغام

    اہل بیت(ع) عالمی اسمبلی کے سیکرٹری جنرل نے خوجہ شیعہ اثنا عشری ورلڈ فیڈریشن کے سربراہ شیخ "صفدر جعفر" کو مخاطب کرتے ہوئے اپنے پیغام میں حاجی "محب علی روشن علی ناصر" کے انتقال پر تعزیت پیش کی ہے۔
    آیت اللہ رمضانی کے پیغام کا ترجمہ درج ذیل ہے:

    بسم اللہ الرحمن الرحیم
    جناب محترم الحاج شیخ صفدر جعفر (زید عزہ)
    سربراہ خوجہ ورلڈ فیڈریشن و رکن مجلس اعلیٰ اہل بیت(ع) عالمی اسمبلی
    سلام علیکم
    ہندوستان کے شیعہ اثنا عشری خوجہ جماعت کے سربراہ اور ممبئی میں آیت اللہ العظمیٰ سیستانی کے مالی امور میں وکیل مرحوم حاجی "محب علی روشن علی ناصر" کے انتقال کی خبر سن کر انتہائی افسوس ہوا۔
    مرحوم مغفور ایران کے اسلامی انقلاب کے حامیوں اور رہبر انقلاب اسلامی حضرت آیت اللہ العظمیٰ خامنہ ای کے مخلصوں میں سے تھے جنہوں نے اپنی بابرکت زندگی میں ہندوستان کے شیعوں کو اور خصوصا الایمان فاؤنڈیشن کے ذریعے ضروتمندوں کو بےبہا خدمات فراہم کیں۔
    ہم اس عظیم نقصان پر آپ جناب، مرحوم کے اہل خانہ خصوصا ان کے بیٹے محمد علی ناصر نیز ہندوستان کے شیعوں اور خوجہ جماعت کو تسلیت پیش کرتے ہیں اور بارگاہ رب العزت سے مرحوم مغفور کے لیے بلندی درجات اور ان کے قرابتداروں اور دوستداروں کے لیے صبر جمیل کی دعا کرتے ہیں۔
    رضا رمضانی
    سیکرٹری جنرل اہل بیت(ع) عالمی اسمبلی
    ۲۳ اکتوبر ۲۰۲۰
    ............

  • حیدرآباد میں سیلاب سے متاثرہ افراد کے ساتھ اہل بیت(ع) عالمی اسمبلی کے سیکرٹری جنرل کا اظہار ہمدردی

    حیدرآباد میں سیلاب سے متاثرہ افراد کے ساتھ اہل بیت(ع) عالمی اسمبلی کے سیکرٹری جنرل کا اظہار ہمدردی

    ہندوستان کے شہر حیدرآباد میں موسلادھار بارشوں کے نتیجے میں آنے والے سیلاب کی وجہ سے بڑی تعداد میں افراد متاثر ہوئے ہیں جبکہ کچھ جانبحق بھی ہوئے ہیں، متاثرہ افراد کے ساتھ اظہار ہمدردی کے لیے اہل بیت(ع) عالمی اسمبلی کے سیکرٹری جنرل آیت اللہ رمضانی نے ایک پیغام جاری کیا ہے۔
    اہل بیت(ع) عالمی اسمبلی کے سیکرٹری جنرل نے "کل ہند مجلس اتحاد المسلمین" کے سربراہ "اسد الدین اویسی" کے نام پیغام جاری کیا ہے جس کا ترجمہ حسب ذیل ہے؛

    بسم اللہ الرحمن الرحیم
    جناب محترم اسد الدین اویسی صاحب
    سیکرٹری جنرل کل ہند مجلس اتحاد المسلمین
    سلام علیکم
    حیدرآباد اور اس کے گردونواح میں آنے والے اس غیرمعمولی اور تباہ کن سیلاب کے واقعے سے ہمیں گہرا رنج و غم ہوا جس کی وجہ سے مسلمانوں کی بڑی تعداد کو مادی اور معنوی نقصان پہنچا اور بہت سارے لوگ بے گھر ہو گئے۔
    یہ خطہ ایک ایسا خطہ ہے جو صدیوں سے اہل بیت(ع) کے چاہنے والوں کی رہائش گاہ اور برصغیر میں قرآن اور اہل بیت(ع) کی ثقافت کو عام کرنے کے مراکز پر مشتمل رہا ہے۔
    اہل بیت(ع) عالمی اسمبلی پوری دنیا میں پائے جانے والے اپنے اراکین کی نمائندگی کے طور پر اس حادثے کے متاثرہ افراد اور مرحومین کے پسماندگان کو تسلی اور تشفی دیتے ہوئے ان کے لیے صبر اور سلامتی کی دعا کرتی ہے اور اس بات کا اعلان کرتی ہے کہ کورونا کے سخت حالات اور روابط کی محدودیت کے باوجود اپنے مسلمان بہن بھائیوں تک ہر طرح کی امداد پہنچانے کی کوشش کرے گی۔
    توقع کی جاتی ہے کہ ہندوستان کی حکومت اور عوام نیز اسلامی حکومتیں اور اقوام سیلاب سے متاثر ہونے والے افراد کی دستگیری کرنے کی مساعی کریں۔
    وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِين.

    رضا رمضانی
    سیکرٹری جنرل اہل بیت(ع) عالمی اسمبلی
    ۲۲ اکتوبر ۱۳۹۹

    خیال رہے کہ گزشتہ دنوں ہندوستان کے شہر حیدرآباد میں آنے والے سیلاب سے تقریبا ۳۷ ہزار سے زائد خاندان متاثر ہوئے ہیں اور بعض ذرائع کے مطابق ۸۰ افراد جانبحق ہو چکے ہیں۔


  • تصویری رپورٹ/ اہل بیت(ع) عالمی اسمبلی کے سیکرٹری جنرل کا حرم رضوی میں خطاب

    تصویری رپورٹ/ اہل بیت(ع) عالمی اسمبلی کے سیکرٹری جنرل کا حرم رضوی میں خطاب

    امام رضا علیہ السلام کے یوم شہادت کے موقع پر اہل بیت(ع) عالمی اسمبلی کے سیکرٹری جنرل آیت اللہ رمضانی نے حرم رضوی میں منعقدہ مجلس کو خطاب کیا۔

تازہ ترین سافٹ ویئرز

جدیدترین نرم افزارها

ملحقہ مراکز اور ویب سائٹس

عالمی اہل بیت اسمبلی

اہل بیت (ع) عالمی اسمبلی، ایک عالمی اور غیر سرکاری تنظیم کی حیثیت سے، عالم اسلام کی ممتاز شخصیات کے ذریعے تشکیل دی گئی ہے۔ اہل بیت علیہم السلام کو مرکز فعالیت اس لیے انتخاب کیا گیا ہے کیونکہ اسلامی تعلیمات میں قرآن کریم کے ہمراہ، اہل بیت اطہار علیہم السلام ایک مقدس مرکزیت کی حیثیت رکھتے ہیں جنہیں تمام مسلمان مانتے ہیں۔

اہل بیت (ع) عالمی اسمبلی کا آئین نامہ آٹھ فصلوں اور تینتیس شقوں پر مشتمل ہے۔

  • ایران - تهران - بلوارکشاورز - نبش خیابان قدس - پلاک 246
  • 888950827 (0098-21)
  • 888950827 (0098-21)

ہم سے رابطہ کریں

موضوع
دوستوں کوارسال کریں
خط
4-4=? سیکورٹی کوڈ