اہل بیت(ع) کونسل انڈونیشیا کے چیئرمین، اہل بیت(ع) عالمی اسمبلی کے ممتاز رکن، عالم اسلام کے عظیم دانشور اور شیعہ مفکر مرحوم پروفیسر جلال الدین رحمت کے انتقال کے ساتویں دن کے موقع پر ابنا نیوز ایجنسی کی جانب سے ایک ورچوئل مجلس ترحیم کا انعقاد کیا گیا۔ یہ مجلس ترحیم جو گزشتہ روز منگل کو منعقد ہوئی اس میں اہل بیت(ع) عالمی اسمبلی کے شعبہ بین الاقوامی امور کے عہدیدار ڈاکٹر محمد جواد زارعان، اہل بیت(ع) کونسل انڈونیشیا کے سربراہ سید عمر شھاب، حوزہ علمیہ کے شعبہ بین الاقوامی امور کے سربراہ سید مفید حسین کوھساری، انڈونیشیا میں نمائندہ ولی فقیہ عبد المجید حکیم الھی، اور مرحوم کے بیٹے ڈاکٹر مفتاح فوزی رحمت نے اس پروگرام میں گفتگو کی اور مرحوم جلال الدین رحمت کے علمی اور اخلاقی کارناموں کا تذکرہ کیا اور مرحوم کی یاد کو تازہ کیا۔