اہل بیت(ع) عالمی اسمبلی کی سپریم کونسل کے کویتی رکن کی آیت اللہ رمضانی سے ملاقات

خبریں مجلس اعلی کے ممبران سے متعلق خبریں سیکریٹری جنرل سے متعلق خبریں

Friday, 21 January 2022

اہل بیت(ع) عالمی اسمبلی کی سپریم کونسل کے کویتی رکن حجۃ الاسلام و المسلمین شیخ حسین المعتوق نے اسمبلی کے قم دفتر میں آیت اللہ رضا رمضانی سے ملاقات کی۔

اہل بیت(ع) عالمی اسمبلی کی سپریم کونسل کے کویتی رکن حجۃ الاسلام و المسلمین شیخ حسین المعتوق نے اسمبلی کے قم دفتر میں آیت اللہ رضا رمضانی سے ملاقات کی۔
اہل بیت(ع) عالمی اسمبلی کے سیکرٹری جنرل نے اس ملاقات میں اسمبلی کی فعالیتوں کے بارے میں گفتگو کرتے ہوئے کہا: عالم اسلام کے مسائل اسمبلی کی سپریم کونسل کے آئندہ اجلاس کا ایجنڈا ہوں گے اور ان پر گفتگو کی جائے گی۔
انہوں نے مزید کہا: اسمبلی کو دنیا میں اہل بیت (ع) کے پیروکاروں کا علمی اور روحانی مرجع ہونا چاہیے تاکہ عالم اسلام کے تمام علماء اور بزرگان اسمبلی سے مرتبط ہوں۔
اہل بیت(ع) عالمی اسمبلی کے سکریٹری جنرل نے ثقلین سیٹلائٹ نیٹ ورک کی سرگرمیوں کے بارے میں کہا: ثقلین سیٹلائٹ نیٹ ورک کی پالیسیوں میں تبدیلی آئی ہے اور ہم نے اس مجموعہ کے پروگراموں پر نظر ثانی کی ہے۔ ہمارے پاس اہل بیت(ع) کی تعلیمات کو عام کرنے اور خانوادگی مسائل، نوجوانوں، جوانوں اور خواتین کے موضوعات کو پیش کرنے کے نئے پروگرام بھی ہیں۔
دیگر ممالک میں اسمبلی کی وسیع سرگرمیوں کی ضرورت اور عملی طور پر اسمبلی کی موجودگی، طویل المدتی منصوبہ بندی کی ضرورت، بین الاقوامی اداروں کی ہم آہنگی، مختلف ممالک میں سامعین کے درمیان ثقلین سیٹلائٹ نیٹ ورک کی سرگرمیوں کی افادیت اور تاثیر، عالمی سطح پر اسمبلی کی موجودگی اور مختلف ممالک کے شیعہ علماء اور عمائدین کے ساتھ مزید رابطے کی ضرورت، یہ وہ نکات تھے جن پر حجۃ الاسلام و المسلمین شیخ حسین المعتوق نے ملاقات کے آغاز میں تاکید کی؛ انہوں نے اہل بیت (ع) عالمی اسمبلی کے سیکرٹری جنرل کو عالم اسلام اور خطے کی صورتحال پر ایک مختصر رپورٹ بھی پیش کی۔

Leave a comment

You are commenting as guest.