شیخ عبداللہی ناصر کے انتقال پر اہل بیت(ع) عالمی اسمبلی کا تعزیتی پیغام

خبریں شعبہ افریقہ و عربی ممالک موقف و بیانات

Wednesday, 12 January 2022

کینیا میں شیعہ مذہب کے پھیلاؤ میں اہم کردار ادا کرنے والے عظیم اور فعال شیعہ عالم دین جناب حاج شیخ عبداللہی ناصر کی وفات غم و اندوہ کا باعث بنی۔

کینیا کے نامور عالم دین اور اہل بیت(ع) عالمی اسمبلی کی جنرل اسمبلی کے رکن الحاج شیخ عبداللہی ناصر جمعہ کے انتقال پر اسمبلی نے تعزیتی پیغام جاری کیا ہے۔
اس پیغام کا متن حسب ذیل ہے:

 

بسم الله الرحمن الرحیم
انا لله و انا الیه راجعون

کینیا میں شیعہ مذہب کے پھیلاؤ میں اہم کردار ادا کرنے والے عظیم اور فعال شیعہ عالم دین جناب حاج شیخ عبداللہی ناصر کی وفات غم و اندوہ کا باعث بنی۔
مرحوم اہل بیت (ع) عالمی اسمبلی کی جنرل اسمبلی کے اہم اراکین میں سے تھے اور اپنی بابرکت زندگی کے دوران متعدد کتابوں کی تصنیف کے ذریعے انہوں نے اہل بیت علیہم السلام کی تعلیمات کو عام کرنے میں دیرپا کردار ادا کیا اور کینیا اور پڑوسی ممالک میں ایک بڑی تعداد کو دینی تربیت سے نوازا۔
اہل بیت (ع) عالمی اسمبلی اس عظیم نقصان پر مرحوم کے معزز خاندان، ان کے تمام دوستوں اور جاننے والوں بالخصوص خوجہ اثنا عشری شیعوں اور دیگر پیروان اہل بیت(ع) سے تعزیت کا اظہار کرتی ہے۔ نیز بارگاہ رب العزت میں مرحوم کے بلندی درجات اور پسماندگان کے لیے صبر و اجر کی دعا کرتی ہے۔
اہل بیت(ع) عالمی اسمبلی
11 جنوری 2021

Leave a comment

You are commenting as guest.